Një shqiptar, që u bë i famshëm në mbarë botën pasi shkaktoi shumë zemërim kur rriti ndjeshëm çmimin e një ilaçi, ka marrë përgjigjen që meritonte nga disa nxënës shkolle në Australi.
Martin Shkreli, që u etiketua nga disa media si “njeriu më i urryer në botë”, u bë simbol i lakmisë pasi e rriti çmimin e ilaçit Daraprim nga 13.50 dollarë në 750 dollarë.
Por disa nxënës në Sidnej kanë rikrijuar përbërësit kryesorë të ilaçit për vetëm 20 dollarë.
Daraprimi është një ilaç anti-parazit që përdoret tek pacientët me malarie dhe AIDS.
Nxënësit e Shkollës së Gramatikës në Sidnej, të gjithë 17 vjeç e rikrijuan ilaçin në laboratorin e shkollës.
“Nuk ishte shumë e vështirë, por ky është qëllimi, pasi ne jemi nxënës të shkollës së mesme,” tha njëri prej tyre për BBC.
Nxënësit prodhuan 3.7 gram pirimetaminë për 20 dollarë.
Në SHBA, e njëjta sasi shitet për 110 dollarë.
Nxënësit thanë se duket krejt e pajustifikueshme që të ngresh kaq shumë çmimin.
“Është një ilaç që shpëton jetë dhe shumë njerëz nuk e përballojnë dot”.
Martin Shkreli është arrestuar në dhjetorin e shkuar pas dyshimeve për mashtrim.
Ai del në gjyq vitin që vjen.