Ky është sezoni kur proshuta është një nga dhuratat më popullore në Japoni.
Por pas një raporti të Organizatës Botërore të Shëndetësisë, ku thuhet se mishi i përpunuar shkakton kancer, njerëzit kanë nisur të mos blejnë më proshutë, raporton Japan Times.
Prodhuesit e mishit të përpunuar po përpiqen që të bindin klientët se konsumi i moderuar i salçiçeve dhe proshutës nuk shkakton asnjë dëm, raporton BBC.
Megjithatë opinioni duket i ndarë mes atyre që janë shumë të frikësuar dhe atyre që nuk janë merakosur.
Ndërkohë në Japoni është traditë që në sezonin e festave të dhurohen ushqime të markave të shtrenjta si birra, proshutë, ëmbëlsira dhe vaj për gatim.