Në Ditën Ndërkombëtare të Diabetit, që organizohet çdo 14 nëntor, kompania e njohur farmaceutike Sanofi organizoi një event të rëndësishëm.
Pikërisht në kohën kur diabeti po kthehet në sëmundjen që po njeh rritje të ndjeshme në Shqipëri, kompania lider në vend për insulinën ftoi disa nga ekspertët më të mirë për të disktuuar për këtë problem.
Përveç ambasadorit francez dhe ekspertëve të kompanisë Sanofi, të ftuar ishin edhe zyrtarë të qeverisë shqiptare.
Eventi u organizua në hotel Rogner, ndërsa më pas u bë matja publike e nivelit të glukozës në gjak nga disa infermiere dhe një mjek që dha këshilla.
Diabeti ose sëmundja e sheqerit, një sëmundje e lidhur ngushtë edhe me stilin e jetesës, po njeh rritje të ndjeshme në Shqipëri.
Çdo vit, rreth 5 mijë persona diagnostikohen me këtë sëmundje.
