Një australiane vendosi të postojë online dy foto selfie të saj, për të “përgënjeshtruar” një shkrim gazete se shumë njerëz sajojnë sëmundjet nervore për të mos shkuar në punë.
Fotot e saj u përhapën me shpejtësi në rrjet.
Anna Spargo-Ryan tha se njerëzit me sëmundje mendore sërish hasin në stigmatizim.
“Këto foto janë bërë me tre ditë diferencë. Në të parën, unë kam një sëmundje mendore. Tek e dyta, kam një sëmundje mendore,” shkruan ajo.
Gazetari që bëri shkrimin i ka kërkuar falje.
“Nuk ishte ky qëllimi im. Më vjen vërtet shumë keq,” shkroi ai.